សិក្សាលម្អិតពី Monitor-តចប់

សិក្សាលម្អិតពី Monitor-តចប់

-      OLED (Organic Light Emitting Diode)

          OLED វាជាប្រភេទអេក្រង់ដែលប្រើស្រទាប់សរីរាង្គមួយ ដែលឆ្លើយតបទៅនឹងការជម្រុញអគ្គីសនីដើម្បីបញ្ចេញទៅ ជាពន្លឺ។ ដំណើរការនេះវាបានជម្រុញឱ្យ Pixel នីមួយៗបញ្ចេញពន្លឺរៀងៗខ្លួន ដែលនាំឱ្យវាមានលក្ខណៈភ្លឺច្បាស់ល្អជាង LED ។ អេក្រង់ OLED វាស្តើងជាង និងស្រាលជា LED ។

-      DLP (Digital Light Processing)

            DLP វាជាបច្ចេកវិទ្យាមួយដែលត្រូវបានគេយកទៅប្រើប្រាស់នៅក្នុងម៉ាស៊ីនបញ្ចាំង (Projector) ។ ម៉ាស៊ីនប្រភេទ នេះគេប្រើកង់ពន្លឺ ឬ កង់ពណ៌ជាមួយនឹងបច្ចេកវិទ្យាបញ្ជាកញ្ចក់អារេ ឬ ហៅថា DMD (Digital Micro-mirror Device) ។ កញ្ជក់នីមួយៗត្រូវបានគេភ្ជាប់ទៅនឹង Pixel ដែលអាចបញ្ជាពន្លឺទៅឆ្ងាយពីកញ្ចក់អុបទិចរបស់ Projector បាន ។ វាបង្កើត រូបភាពពណ៌ប្រភេទ Monochromatic ដល់ទៅ 1024 ពណ៌ប្រផេះ ដែលនៅចន្លោះពណ៌ស និងពណ៌ខ្មៅ។ បន្ទាប់មកទើប កង់ពណ៌វាច្បាប់ផ្តើមបន្ថែមទិន្នន័យពណ៌ ដើម្បីបំពេញនូវរូបភាពដែលត្រូបង្ហាញចេញ។

សូមរង់ចាំអានទំព័របន្ត...

សិក្សាលម្អិតពី Monitor-ភាគ ២ (នៅមានត...)

សិក្សាពីម៉ូនិតទ័រ-Monitor-ភាគ២

-      LCD (Liquid Crystal Display)

          LCD ជាប្រភេទអេក្រង់ស្តើងៗ ស្រាលៗ ដែលគេនិយមប្រើនៅ Monitor ប្រភេទស្តើង (Flat Screen) Laptop និង ឧបករណ៍បញ្ចេញពន្លឺមួយចំនួនដូចជា Projector ។ នៅក្នុង LCD វាមានតម្រងចម្រុះពីរ ដែលផ្សំពីរបាយគ្រីស្តាល់រាវ ចរន្តអគ្គីសនី វាឆ្ពោះតម្រង់ទៅកាន់របាយគ្រីស្តាល់ដើម្បីឱ្យពន្លឺអាចឆ្លងកាត់ ឬ មិនឆ្លងកាត់។ ប្រសិទ្ធភាពនៃពន្លឺដែលឆ្លងកាត់ក្នុងតំបន់នៃគ្រីស្តាល់បានបង្កើតទៅជារូបភាព។

            LCD មានពីរទម្រង់គឺ ម៉ាទ្រីសសកម្ម ឬ TFT (Thin Film Transistor) និងម៉ាទ្រីសអកម្ម។ ម៉ាទ្រីសសកម្មវាជាអ្នក អនុញ្ញាតិឱ្យគ្រប់ Pixel ទាំងអស់អាចគ្រប់គ្រងទៅលើចំនុចពណ៌ ដែលចំនុនពណ៌ទាំងអស់ជាអ្នកដែលមាននាទីបង្កើតជា រូបភាពយ៉ាងច្បាស់ល្អ។ ម៉ាទ្រីសអកម្មគេនិយមប្រើវានៅលើកុំព្យូទ័រយូរដៃ (Laptop) ។   

-      LED (Light Emitting Diode)

          LED ឬ អំពូលឌីអក គេប្រើវានៅលើអេក្រង់ប្រភេទ LCD ដោយប្រើអំពូល LED ដើម្បីបំភ្លឺ ឬ បង្ហាញ។ LED វាប្រើ-ប្រាស់ថាមពលអស់តិចជាងការបញ្ចាំងអំពូលអេឡិចត្រូនិច ដែលជាទូទៅគេសង់វានៅលើបន្ទះថ្លាៗ ស្តើងៗ និងស្រាលៗ តែវាមានការបញ្ចេញពន្លឺច្បាស់ល្អ ហើយមិនសូវបញ្ចេញកំដៅខ្លាំងដូចពពួក Plasma និង LCD ទេ។  

សូមរង់ចាំអាន...នៅមានត....

សិក្សាលម្អិតពី Monitor (នៅមានត...)

   

Monitor មានរូបរាងស្រដៀងទៅនឹងទូរទស្សន៍ វានាទីបង្ហាញរូបភាព ព័ត៌មាន ឬ ទិន្នន័យផ្សេងៗឱ្យអ្នកប្រើប្រាស់ ឃើញ តាមរយៈអេក្រង់ (Screen) របស់វា។

          Monitor ចែកចេញជាពីរប្រភេទគឺ៖ Monochrome Monitor (ប្រភេទ Monitor ស-ខ្មៅ) និង Polychrome Monitor (ជាប្រភេទ Monitor ដែលបង្ហាញពណ៌ដូចធម្មជាតិ) ។ ពណ៌របស់វាច្បាស់ល្អ ឬ មិនល្អ គឺអាស្រ័យទៅលើទំហំរបស់ VGA ផងដែរ។ រហូតមកដល់បច្ចុប្បន្ននេះ Monitor មានរូបរាងប្លែកៗពី គ្នា ខ្លះមានទំហំតូច ខ្លះធំ ខ្លះក្រាស់ និងខ្លះទៀតស្តើង ទៅតាមសម័យកាលនៃបច្ចេកវិទ្យា។ ភាពខុសគ្នាសំខាន់បំផុតរវាងប្រភេទ Monitor គឺបច្ចេកវិទ្យាដែលត្រូវបានប្រើដើម្បីបង្ហាញជារូបភាព៖

-      CRT (Cathode-Ray Tube)

          CRT ជាប្រភេទ Monitor ដែលមានអំពូលអេឡិចត្រុងចំនួន ៣ អំពូលនីមួយៗត្រូវបាននាំពន្លឺ ៣ ពណ៌ទៅកាន់       អេក្រង់ (Screen) មានពណ៌ក្រហម បៃតង និងខៀវ (RGB-Red, Green, Blue)។ ការរួមបញ្ចូលគ្នានៃតំបន់ដែលមានពន្លឺ និងមិនមានពន្លឺខ្លាំងបង្កើតរូបភាពនៅលើអេក្រង់។ ប្រភេទទូរទស្សន៍មួយចំនួនក៏មានប្រើបច្ចេកវិទ្យានេះដែរ។ CRT ជាធម្មតាមានប៊ូតុងបំបាត់ ឬ លុប (Degauss) មួយ នៅខាងមុខ ដែលអ្នកប្រើប្រាស់អាចចុចដើម្បីលុបពណ៌ប្រែប្រួលបណ្តាលមកពីការជ្រៀតជ្រែកនៃម៉ាញ៉េទិក។

-      Plasma

          អេក្រង់ផ្លាស្មា គឺជាប្រភេទមួយទៀតនៃ Monitor បន្ទះស្រាលដែលអាចបញ្ចេញបានកម្រិតពន្លឺខ្ពស់ ភ្លឺច្បាស់ល្អ និងមានពណ៌ស្អាត។ អេក្រង់ប្រភេទនេះគេអាចផលិតវារហូតដល់ទំហំ (150 inch ឬ 381 cm) ឬ អាចធំជាងនេះ ប៉ុន្តែវាហាក់ដូចជារាងក្រាស់បន្តិច។ ហើយវាមានឈ្មោះផ្លាស្មានេះដោយសាតែគេផលិតវាដោយប្រើកោសិកាតូចៗនៃឧស្ម័នអ៊ីយ៉ូដដែល អាចមានពន្លឺនៅពេល ដែលគេភ្ញោចវាដោយចរន្តអគ្គីសនី។ អេក្រង់ផ្លាស្មាត្រូវបានគេនិយមយកទៅប្រើប្រាស់នៅតាមផ្ទះសម្រាប់មើលវីដេអូ ដោយសារតែវាត្រូវជាមួយនឹងគ្រប់ប្រភេទវីដេអូ។

សូមរង់ចាំអាន...នៅមានត....

អ្វីជាកុំព្យូទ័រ? What is Computer? (ភាសាខ្មែរ)

អ្វីជាកុំព្យូទ័រ?

កុំព្យូទ័រមកពីពាក្យ Compute មានន័យថាគណនា ឬគេអោយនិយមន័យថា ជាការគណនា គ្រប់គ្រង ស្វែងរក និងដំណើរការណ៍ទិន្នន័យ។

កុំព្យូទ័រគឺជាឧបករណ៍អេឡិចត្រូនិចដែលមានលទ្ធភាពទទួលបានព័ត៌មាន (ទិន្នន័យ) នៅក្នុងទម្រង់ជាក់លាក់មួយ និងដំណើរការប្រតិបត្តិទៅតាមការណែនាំ ឬ និតិវិធីដែលបានកំណត់ទុកជាមុន ហើយរាល់ដំណើរការទិន្នន័យទាំងអស់ វាមានទម្រង់ជាព័ត៌មាន (Information) ឬ សញ្ញា (Signal) ។

កុំព្យូទ័រវាបានផ្តល់អត្ថប្រយោជន៍យ៉ាងច្រើនដល់អ្នកប្រើប្រាស់ដូចជា៖

-      វាយអត្ថបទ ធ្វើរបាយការណ៍ និងគណនាផ្សេងៗ

-      គូសប្លង់ (ប្លង់ដី អគារ) គូសផែនទី

-      គ្រប់គ្រង ធ្វើសិ្ថតិ វិភាគ និងព្យាករណ៍ទិន្នន័យ

-      រក្សាទុកឯកសារដោយសុវត្ថិភាព

-      ធ្វើអោយមនុស្សទូទាំងពិភពលោកអាចទំនាក់ទំនងគ្នាបាន

-      លេងល្បែងកំសាន្ត (Gaming) ជជែកកំសាន្ត (Chatting) ...

-      ជាពិសេសគឺជួយជម្រុញការងារផ្សេងៗរបស់យើងឱ្យបានលឿន

កុំព្យូទ័រផ្សំឡើងពីផែ្នកសំខាន់ៗ ២ គឺ៖ Hardware និង Software ។

ផ្នែករឹង (Hardware)៖

         Hardware គឺជាផែ្នករឹង ឬ​ ធាតុរឹងរបស់កុំព្យូទ័រ ដែលយើងអាចមើលឃើញ និងប៉ះបាន ។ Hardware មានដូចជា៖ Monitor, System Unit, Keyboard, Mouse, Printer, Scanner, Speaker, ……

-      Monitor : មាននាទីបង្ហាញរូបភាព ព័ត៌មាន ឬទិន្នន័យផ្សេងៗឱ្យអ្នកប្រើប្រាស់ឃើញ វាមានរូបរាងស្រដៀងទៅនឹងទូរទស្សន៍។

-      System Unit : ជាបង្គុំធំជាងគេ សំខាន់ជាងគេបង្អស់ក្នុងចំណោមប្រព័ន្ធកុំព្យូទ័រទាំងមូល នៅក្នុងនោះវាមាន ចំណែក Hardware ជាច្រើនទៀតដូចជា៖ Computer Case, Power Supply, Motherboard, CPU, RAM, Hard Disk, DVD-ROM, Floppy Disk,…។ល។

-      Keyboard : មាននាទីសម្រាប់វាយបញ្ចូលទិន្នន័យ ឬ សម្រាប់ចង្អុលជ្រើសរើសយក Menu ណាមួយមកប្រើប្រាស់(មានមុខងារមួយចំនួនដូច Mouse ដែរ)។ Keyboard របស់កុំព្យូទ័រ Desktop មានចំនួន 101, 102, 104 ឬ 105 Keys ហើយវា ចែកចេញជា ៥ផ្នែកគឺ៖ Function Keys, Letter Keys, Special Keys, Arrow Keys និង Numeric Keys ឬ Keypad ។

-      Mouse : មាននាទីចង្អុល ឬជ្រើសរើសយក Menu ណាមួយមកប្រើបានយ៉ាងរហ័ស ពោលគឺវាផ្លាស់ទីបាន ទាន់ចិត្តនៅលើអេក្រង់។

-      Printer : ម៉ាស៊ីនបោះពុម្ព សម្រាប់បោះពុម្ពឯកសារចេញពីកុំព្យូទ័រមកដាក់លើក្រដាស

-      Scanner : ម៉ាស៊ីនចម្លងរូបភាព ឬ ឯកសារដាក់ចូលទៅក្នុងកុំព្យូទ័រ

-      Speaker : ឧបករណ៍បន្លឺសំលេង ឬ ឧបករណ៍បញ្ចេញសំលេង

និងរួមមានឧបករណ៍បន្ទាប់បន្សំជាច្រើនទៀត....។ល។

        ផ្នែកទន់ (Software)

Software គឺជាផ្នែកទន់ដែលអាចមើលឃើញ តែមិនអាចប៉ះបាន ឬ គេអាចហៅម្យ៉ាងទៀតថាជាកម្មវិធីរបស់កុំព្យូទ័រ (Program) ដែលមានច្រើនប្រភេទដូចជា៖

-      OS (Operating System): ជាប្រព័ន្ធប្រតិបត្តិការ ឬ ជាកម្មវិធីដំណើរការដំបូងរបស់កុំព្យូទ័រ ដែលអនុញ្ញាតិឱ្យ កម្មវិធីតូចៗជាច្រើនទៀតអាចដំណើរការលើវាបាន ហើយវាជាកម្មវិធីមួយដែលជួយបញ្ជាក់ថា Hardware ទាំងអស់របស់កុំព្យូទ័រដំណើរការត្រឹមត្រូវ ឬ អត់។ OS របស់កុំព្យូទ័រត្រូវបានផលិតឡើងដោយក្រុមហ៊ុនមួយចំនួនដូចជា៖

o  Microsoft: Windows 98, Windows XP, Windows Vista, Windows 7, Windows 8, Windows 10,…

o  Apple: Mac OS

o  Linux: Linux OS

-      Application Software: គឺជាកម្មវិធីតូចៗរបស់កុំព្យូទ័រដែលអាចដំណើរការបានបន្ទាប់ពីបានបញ្ចូល Operating System រួចហើយ។

-      Environment Software, Development Software,...។

សូមអានទំព័របន្ទាប់...